Kjenslene sitt språk – eit musisk blikk på tilvenningstida i barnehagen. Ei kvalitativ intervjustudie av det musiske som verktøy på ei småbarnsavdeling

Abstract

Denne masteroppgåva omhandlar korleis barnehagepersonale ved ei småbarnsavdeling nyttar musiske element i tilvenningstida i barnehagen. Den tek for seg følgande problemstilling: Korleis reflekterer barnehagepersonale kring musiske element i tilvenningstida på ei småbarnsavdeling, og kva kan ei musisk tilnærming tilby i bygginga av relasjonar mellom vaksne og born på avdelinga? Problemstillinga vert belyst gjennom kvalitative forskningsintervju med personal på ei småbarnsavdeling. Oppgåva bygger på ei hermenutisk-fenomenologisk tilnærming, og tek utgangspunkt i eit humanistisk perspektiv og ei relasjonell helseforståing. Funna i datamaterialet er delt inn i følgande kategoriar: det svevande omgrepet, tryggleik og fellesskap i tilvenningstida, den musiske vaksne og kommunikasjon på barn sine premiss. Oppgåva tek for seg korleis omgrepet musisk vert brukt i denne samanhengen og drøftar dette i lys av aktuelle teoretiske perspektiv. Desse perspektiva er teoriar om intersubjektivitet, affektinntoning, musicking, tilknytning og kommunikativ musikalitet. Utfrå temaet tilknytningstid har oppgåva eit hovudfokus på relasjonelle sider ved omgrepet musisk. Oppgåva viser også samanhengar mellom fagfelta musikkterapi, barnehagepedagogikk og musikkpedagogikk, og ser på kva rolle musikken kan ha i ein barnehagekontekst.