Fri forteljing : ei drøfting av relasjonen mellom improvisasjon og musikalsk narrativ i komposisjon for store ensemble

Abstract

I denne oppgåva undersøkjer eg relasjonen mellom fenomena narrativ og improvisasjon i konteksten komposisjon for større ensemble. Eg fokuserer på korleis interaksjonen mellom dei to er, med særleg interesse for kva effekt improvisasjon kan ha på narrativ. Dette gjer eg ved å drøfte faglitteratur om temaet, som eg bruker til å analysere eigne verk. Problemstillinga for oppgåva er korleis improvisasjon på ulike måtar kan brukast som ein del av eit overordna musikalsk narrativ, i komposisjon for større ensemble. Oppgåva har fem delar: - 1. Ei innleiing med diskusjon, utgreiing og avklaring rundt begrepsbruk og val av innfallsvinkel og avgrensing. - 2: Presentasjon av teoretiske rammeverk og ulike perspektiv på temaet musikalsk narrativ, og drøfting av desse. - 3. Presentasjon av improvisasjon som metode for narrativ med diskusjon om forskjellane mellom improvisasjon og komposisjon. - 4. Refleksjon og evaluering av eigne verk opp mot temaet i oppgåva, med gjennomgått teoretisk grunnlag som rammeverk. Komposisjonane er frå mastergradperioden. - 5. Oppsummering og avsluttande refleksjonar